Մինչ գարունը պարուրել էր Հայաստանի գեղատեսիլ բնապատկերները, տները լի էին Զատկի շնչով. տոն, որը ուրախության, վերածծնդի և նվիրական ավանդույթների լավագույն համադրությունն է: 2024 թվականի ապրիլի 1-ին մեր հյուրանոցը, համագործակցելով «Ժողովրդական արվեստի հանգույց» կրթամշակութային հիմնադրամի հետ, կազմակերպել էր Զատիկի հիանալի միջոցառում՝ 7 տարեկան 30 երեխաների տանելով հարուստ մշակութային մի աշխարհ:
Մեր միջոցառման առանցքը ձվերի ներկման հնագույն ավանդույթն էր: Հանգույց հիմնադրամի փորձառու մասնագետների ուղղորդմամբ երեխաները ծանոթացան ձվի ներկման հետաքրքրաշարժ գործընթացին՝ օգտագործելով մի շարք բաղադրիչներ, ինչպիսիք են կարկադեն, տորոնի արմատները, սոխի կեղևները, կարմիր կաղամբը և քրքումը: Ձեռքերը գույնզգույն ներկված՝ նրանք շարունակում էին հիանալ գեղեցիկ գույներով՝ յուրաքանչյուր ձուն վերածելով բնության վրձնի կողմից ստեղծված փոքրիկ գլուխգործոցի։
Գունավորելուց հետո երեխաները անհամբերությամբ սկսեցին Զատկի մեկ այլ նվիրական ավանդույթ՝ ձու խաղացնելը, աշխույժ մի մրցույթ, որտեղ ձվերը մեղմորեն բախում են միմյանց՝ մինչև մեկը մնա անվնաս, իսկ մյուսը երկկողմ վնասվի: Օդը լցվել էր խինդ ու ծիծաղով, երեխաները ուրախությամբ մասնակցեցին այս դարավոր սովորույթին՝ ամրացնելով իրենց ընկերությունն ու ստեղծելով հիշողություններ, որոնք կպահպանվեն ողջ կյանքի ընթացքում:
Շարունակելով ճանապարհորդությունը դեպի հայկական մշակույթ՝ երեխաները ծանոթացան լավաշ թխելու արվեստին։ Փորձառու հացթուխների առաջնորդությամբ նրանք հավաքվեցին թոնրի շուրջը, որտեղ խմորը հմտորեն մշակվում և թխվում էր՝ հասնելով կատարելության: Թոնրի շուրջ ջերմ մթնոլորտում նրանք զրուցեցին հայկական մշակույթում լավաշի նշանակության, մեր ավանդույթում նրա խորհրդանշական դերի և խոհարարական ժառանգության մասին:
Թարմ թխած հացի բույրը պարուրել էր այգին: Երեխաները հավաքվեցին արդեն սեղանի շուրջը՝ վայելելու իրենց աշխատանքի պտուղները: Ուրախ սրտերով և լայն ախորժակով՝ նրանք վայելեցին գունավոր ձվերը թարմ թխված լավաշով ու խրթխրթան թարմ կանաչով: Սեղանի շուրջ զրույցները շարունակվեցին՝ կապելով սերունդներն ու մշակույթները, քանի որ Զատկի ոգին բոլորին համախմբել էր մեկ տոնակատարության շուրջ:
Եզրափակելով՝ հայկական Զատիկի այս միջոցառումը ավանդույթի և մշակութային գիտելիքների փոխանակման կարևոր վկայությունն էր: Մեր նպատակներից է ստեղծել իմաստալից կապեր և անմոռանալի պահեր մեր հյուրերի համար՝ երիտասարդ, թե մեծ, սիրով ևխնամքով կազմակերպված փորձառությունների միջոցով: Հրաժեշտ տալով Զատկի այս սեզոնին՝ մեզ հետ ենք պահում այս միջոցառման գեղեցիկ հիշողությունների ջերմությունն ու շարունակում իմաստալից միջոցառումների մեր շարքը:
Միջոցառման նկարները դիտելու համար կարող եք այցելել մեր ֆեյսբուքյան էջ՝ www.facebook.com